IR pfaffen vn̄ ir ritter tribent vō v́ch nît·
ir pꝛuͤfent anders groͤſſer vngenade zit·
ir ſvnt gedenken rechte wieſ vmb v́ch lit·
der pfaff ritter bumā die dꝛie die ſoͤltin ſin geſellen·
d̾ buman ſol dem pfaffen vnd dem ritter ern·
ſo ſol der pfaffe den buman vn̄ dem ritter nêrn·
voꝛ der hêlle ſol der werde ritter wêrn·
dem pfaffen vn̄ dem bumā die in tv̊n icht wellen·
nv dar ir edelen werden dꝛie geſellen·
Stol vn̄ ſwert wênt ir ein and̾ helfen wol·
ſo wirt dv́ kriſtenheit vō v́ch genaden vol·
Stol vn̄ ſwert der pflůg tůt alles das er ſol·
ſint ir mit trú ein ander bi· v́ch kan nie man gevêllen·