Fvnf hande tugend sol ein reine vrǒwe pflegen·
wil si behalten foͤlleklichen wibes segen·
dv́ erste tugent sol si niemer vnder wegen
von ir mit trúwen dc rat ich eins fv̊sses lengi lassen·
dv́ erste tugent das sol wiplich ere sin·
dv́ ander zucht so wirt ir lop der welte schin·
bescheidenheit sol in ir herz an argen pin·
gar stetes sedel halten wol· vf veld in stêtt an strassen·
dv́ vierde sol sin kv́sche zallen stunden·
dv́ milti bi der kv́schen sol gemischelt sin·
so mag si wol geheissen mannes keisrin·
si wirt versigelt in der hohen engel schrin·
vil selig wip din werdekeit· wirt doͤrt in froͤiden funden·