Fvnf hande tugend ſol ein reine vrǒwe pflegen·
wil ſi behalten foͤlleklichen wibeſ ſegen·
dv́ erſte tugent ſol ſi niem̾ vnder wegē
vō ir mit trúwen dc rat ich eīs fv̊ſſes lengi laſſen·
dv́ erſte tugent das ſol wiplich ere ſin·
dv́ ander zucht ſo wirt ir lop d̾ welte ſchin·
beſcheidenheit ſol in ir herz an argen pin·
gar ſtetes ſedel halten wol· vf veld in ſtêtt an ſtraſſen·
dv́ vierde ſol ſin kv́ſche zallen ſtunden·
dv́ milti bi der kv́ſchen ſol gemiſchelt ſin·
ſo mag ſi wol geheiſſen mannes keiſrin·
ſi wirt verſigelt in d̾ hohen engel ſchrin·
vil ſelig wip din werdekeit· wirt doͤꝛt in froͤiden funden·