IN dem walde vn̄ vf der gruͤnē heide·
meiiet es ſo rehte wol·
dc ich mich ſvͤzer ǒgēweide·
wol von ſchuldē troͤſtē ſol·
ſo han ich vúr ſenendē mv̊t·
troſt deheinē·
wā den einē·
das min vꝛowe iſt gůt·
Wol im dē der kleinē vogele ſingē·
troͤſtet vn̄ des meijen ſchī·
wie kvnde dē an froͤidē bas gelingē·
wil er vꝛo vō beidē ſin·
ſo hat er ir beider wal·
blv̊men ſpꝛingent·
vogele ſingent·
wūneklichē ſchal·
Ich froͤwe mich ir guͤte wol vō ſchuldē·
bas danne aller blůmē rot·
ich ſinge anders niht wan in huldē·
ſchiede mich vō ſenender not·
wol mag mir ir w̾der grůz·
froͤide ſendē·
ſw̾e erwendē·
ſoꝛgē machen bv̊s·