Ich wil niht me vf ir genade wesen fro

Ich wil niht me vf ir genade wesen fro·
mir ist min rede en mitten zwei geslagen·
dc eine halbteil ist mir verbotten gar·
dc mv̊ssen ander lúte singen vnd sagen·
ich sol aber iemer mines zúhte nemen war·
vnd wunneklicher mâsse pflegen·
vmb eines dc si heissent ere lâsse ich dinges vnder wegen·
mac si des niht geniessen·
stet es als úbel vf der strâsse· so wil ich mine túr besliessen·