Ich wil nv teilen ê ich var (Mit aufgelösten Abbreviaturen)

Ich wil nv teilen ê ich var·
min varnde gv̊t vnd eigens vil·
dc ieman dvrfe striten dar·
wan den ichs hie bescheiden wil·
al min vngelúke wil ich schaffen iênen·
die sich hasses vnd nides wenen·
dar zv̊ min vnselikeit·
mine swere·
haben die lvgenere·
min vnsinnen·
schaffe ich den die mit velsche minnen·
der frowen nach herze liebe senendiv leit·