Ich wil niht me vf ir genade weſen fro

Ich wil niht me vf ir genade weſen fro·
mir iſt min rede en mittē zwei geſlagē·
dc eine halbteil iſt mir v̾botten gar·
dc mv̊ſſen ander lúte ſingē vn̄ ſagen·
ich ſol aber iemer mines zúhte nemē war·
vn̄ wūneklicher mâſſe pflegē·
vmb eineſ dc ſi heiſſent ere lâſſe ich dinges vnder wegen·
mac ſi des niht genieſſē·
ſtet es als úbel vf der ſtrâſſe· ſo wil ich mine túr beſlieſſen·