Ich wil ein reiſe·
wúnſchent dc ich wol gevar·
da wirt manig weiſe·
dv́ lant wil ich bꝛēnen gar·
miner frowē riche·
ſwas ich des beſtriche·
dc mv̊z alles w̾dē v́loꝛn·
ſi enwende minē zoꝛn·
Helfet ſīgē alle·
mine frúnt vn̄ zieht ir zv̊·
mit ſchalle·
dc ſi mir genade tů·
ſchꝛiet dc mī ſmerze·
min̾ frowē h̾ze·
bꝛeche vn̄ in ir oꝛē ge·
ſi tv̊t mir ze lange we·
81r Frowe ich wil mit huldē·
redē eī wenīg wider dich·
dc ſolt dv v̾duldē·
zúrneſt dv ſo ſwige aber ich·
wiltu dine ivgēde
kroͤnē wol mit tvgende·
ſo wiſ mir genedig ſvͤzú fruht
vn̄ troͤſte mich dur dine zuht·