ICh wil aber diſen ſang·
ſingē der mime·
ich mag niht geſwigē me·
mir iſt wirs danne e·
nie ſo ſere mir betwang·
lib vn ſinne·
dv́ vil liebe ſvnd̾ wā·
ach wie ſolſ ergan·
ach got ſol ich ſvs v̾derbē·
lat ſi mich niht erw̾bē·
dc mich grvͤſſe ir mv́ndel rot·
ſeht ſo bin ich tot·
Lieb ſich dar zv̊·
es iſt niht ze frů·
alſo tů·
Ach wc ich d̾ ſoꝛgē trage·
owe wie cleine·
mich v̾uahet ſwas ich kan·
ach ich ſend̾ mā·
ach wc hilfet ſwc ich ſage
owe dú reine·
tůt mī h̾ze trage vꝛo·
ach wie kvmt dc ſo·
ach mīne la mir gelingē·
ich bin gra vō dē dingē·
dc dv́ liebe ſmehet mich
alſo veſteklich·
Lieb ſich dar zv̊·
es iſt niht ze frů·
alſo tů·
Mir iſt vngemach beſchert·
lange mit leide·
dc ich niht gerůwen mag·
wed̾ naht noch tag·
ich bin froͤidē gar behert·
mīne nv ſcheide·
mich vō ſender arebeit·
die mī h̾ze treit·
ach reine fruht daſ v̾kere·
wiblich zuht an mir ere·
ſit ich dir gebvndē bin·
troͤſte mir den ſin·
Lieb ſich dar zv̊·
eſ iſt niht ze frů·
alſo tů·