Ich var mit úwerē huldē h̾ren vn̄ mage
lút vn̄ lant die mvͤſſen ſelig ſin·
es iſt vnnot dc iemā minr v̾te vꝛagē·
ich ſage wol fúr war die reiſe
mich vieng dú mīne vn̄ lie mich varn vf mine ſicherheit·
nv hat ſi mir enbotē bi ir liebe dc ich var·
es iſt vnwendig ich mv̊s endelichē dar·
wie kvme ich bꝛeche mine trúwe vn̄ minē eit·
Sich růmet manig̾ wc er dvr die mīne tete·
wa ſint dú w̾k die rede hoͤꝛe ich wol·
doch ſehe ich gern dc ſi ir eteſlichē bete·
dc er ir diente als ich ir dienē ſol·
eſ iſt gemīnet der ſich dur die mīne ellēdē mv̊s·
nv ſeht wie ſi mich vs min̾ zvngē zúhet vber mer
vn̄ lebte min her ſalatin vn̄ al ſin her
dien bꝛehtē mich vō vꝛakē niemer einē fůs·
IR mīne ſīger ú mv̊s ofte miſſeligē·
dc iv dē ſchadē tůt dc iſt d̾ wā·
ich wil mich ruͤmē ich mag wol vō mīnē ſīgē·
ſit mich dv́ mīne hat vn̄ ich ſi han·
dc ich da wil ſeht dc wil alſe g̾ne habē mich·
ſo mvͤſt ab̾ ir v̾lieſē vnderwilēt wanes vil·
ir ringēt vmbe lieb dc úwer niht en wil·
wan mv́get ir armē mīnē ſolhe mīne alſ ich·