Ich ſihe wol dc got wnder kan·
ein ſchoͤne wúrken vs wibe·
dc iſt an ir wol ſchī getan·
wan er v̾gas niht an ir libe·
dē kumber den ich mit ir tribe·
dē wil ich gerne han·
zedú dc ich mit ir belibe·
vn̄ an ir min wille mvͤſſe ergan·
min frowe ſehe was ſi mir tů·
da ſtat dehein ſcheiden zv̊·
Si gedenke niht dc ich ſi der man·
der ſi ze kvrzen wilē mīne·
ich han vō kinde an ſi v̾lan·
dc h̾ze min vn̄ al die ſinne·
ich wart an ir nie valſches inne·
ſit ich vō erſt ſi lieb gewan·
min h̾ze iſt ir geſinne·
vn̄ wil ǒch ſtete an ir beſtan·
Min frowe ſehe was ſi mir tů·
da ſtat dehein ſcheiden zv̊·