Ich můs klagen das dv́ zit
sich so gar verkeret hat·
secht wie heid vnd anger lit·
vnd wie der walt in tuften stat·
da man· e· hoꝛt vogellin sang·
der klang· in tal in lv̊ften er schal·
svͤsse stimme·
winters grimme·
tůt sú swigen v́ber al
Was klag ich der vogeslin sang·
wan klag ich nit minen pin·
nach der ie min hertze rang·
das der ist nit woꝛden schin·
minen kvmber den ich trag·
ich klag ir nicht mins hertzen not·
Die ich dulde ane schulde·
ich fv́rcht es tv̊ mir den tot