Hoͤueſche frowen hohgemvͤte·
hāt ze bottē ivngē mānen mich geſāt·
dc ir helfe in kome ze gůte·
alſo dc ſi noh froͤide bꝛingē in dú lant·
vn̄ ich mich deſ fúr ſi zegiſel gebe·
dc ſis an alle ſchulde ſin ob iemā trureklichē lebe·
Dānoh batē ſi mich mere·
künde […]] die w̾deklich̾ mīne gern·
dc ſi dvr ir ſelber ere·
ſpottes vn̄ lugelich̾ m̾e enb̾n·
ſw̾ mich des ane valſch dvrh ſi gew̾t·
d̾ habe gemeine ir aller wunſch dc er erw̾be ſwes er gert·
Solde ich iem̾ froͤide erw̾bē·
an ú froͤiderichē dc w̾e an d̾ zit·
lat ſi ivgent an mir v̾derbē·
ſoſt liht alles dúrre dc nv gruͤne lit·
ſwer ſchiere git dar nah ſo mā ſin gert·
als ich die wiſen hoͤꝛe iehen dú gabe iſt māiger gabe wert·