Hat man mich geſehē in ſoꝛgē·
des enſol niht mer ergan·
wol froͤwe ich mich alle moꝛgē·
dc ich die vil lieben han·
geſehen in ganzen froͤiden gar·
nv flúch vō mir hin langes truren· ich bin aber geſvnt ein iar·
Si kan dvrh dv́ h̾zen bꝛechen·
ſam dv́ ſvnne dvr dc glas·
ich mac wol von ſchulden ſpꝛechen·
ſi ganzer tvgēde ein adamas·
ſo iſt dv́ liebú frowe min·
ein wūneb̾nder ſvͤſſer meye· ein wulkeloſer ſvnnē ſchin·
Ob ſi minre not dú gv̊te·
wolde ein liebes ende geben·
mit den fron in hohem mv̊te·
ſehe man mich dāne lebē·
die wile ſo dc niht iſt beſchehen·
ſo mv̊ſ man bi der vngemv̊tē ſchar mich in dien ſoꝛgē ſehen·