Gelúke dc get wūderlichē an vnde abe·
wan vindet es vil lihter dāne manſ behabe·
es wenket da man es niht wol beſoꝛget·
ſwēne es beſw̾en wil dem git es e der zit·
vn̄ nimt ǒch e der zit wid̾ ſwas es gegit·
es tvmbet den ſwem es zevil geboꝛget·
froͤide git den ſmerzen·
e dc wir ane ſw̾e ſin deſ libes vn̄ des h̾zen·
wan vindet e das gleſin glúke·
dc hat kranke veſte·
ſwāne es vns vnder dú ǒgen ſpilt vn̄ ſchinet aller beſte·
ſo bꝛichet es vil lihte in kleine ſtúke·