ER toꝛe vil tvmbe des lib ſi gehas·
dē merkeren dvr ir arges ſpehen
ir merken ir huͤten dc troͤſtet noch bas·
dāne an dem tvmbē dc tǒbe vber ſehē·
ſwer gv̊tē wiben ir gvͤtlichē mv̊t·
wol kan gemerkē des merkē iſt gv̊t·
ſwer deſ niht merket der iſt tǒb vn̄ vnfrůt·
Vnvalſchliches m̾ken ſeht dc iſt ein pꝛis·
mannē vn̄ wibē der vil hohe ſtat
vō gvͤtlichen wirt man eren wiſ·
vnw̾des m̾ken dc in nide ergat·
vn̄ hůte in nide den zwein trage ich has·
vō rehtē hv̊ten wil ich ſpꝛechē dc·
das al der w̾lte zimt niht dinges bas·
Dú hv̊te an den wibē dú tv̊t mich ſo vꝛo·
dc ich in wúnſche dc ſi eht ſin behv̊t·
mit hv̊te beſloſſen vil ſere vn̄ alſo·
dc in dú hv̊te behvͤte den mv̊t·
mit 240v rehter guͤte voꝛ valſchlichē ſitte·
dc ſi niender wenken vō gvͤte einen trit·
der hůte in allen ich wúnſche vn̄ bit·
Min frǒwe kan hvͤten ir eren ſo wol·
dc ſi in ir hv̊te ſo werlichen ſtat·
ſi wert ſich vnpꝛiſes zerehte als ſi ſol·
niwan des einen des ſi an mir begat·
ſi wil niht merken dc ich vō ir trage·
leitliche ſwere nv vil manige tage·
vn̄ dc ich ringe mit we tv̊nder klage·
Vnde kvnde ſi merken ſi mvͤſe mir iehen·
dc ir min dieneſt iſt ſtete ane wank·
nv mac ſi des tǒgen in min h̾ze ſehen·
wie gegen ir hvlden ſpilt al min gedanc·
ſi mac dc ſchǒwen ob ſis merken wil·
ſvͤſſen gedingen da bi iam̾s vil·
der zweier ſchanze ich gegen ir hvlden ſpil·