Er hat ze lange mich gemittē·
dē ich mit trúwē nie gemeit·
vō ſiner ſchvlde ich han erlitten·
dc ich nie groſſer not erleit·
ſo lebt min lip·
nach ſinē libe·
ich bī ein wib·
dc im vō wibe·
nie liebes nie geſchach·
ſwie mir vō im geſchêhe·
min ǒge in gerner nie geſach·
dāne ich in húte ſehe·
Mir iſt vil liebe nv geſchen·
das mir ſo liebe ne geſchach·
ſo gerne han ich ſi geſehen·
dc ich ſi gerner nie geſach·
ich ſcheide ir můt·
vō ſwachē mv̊te·
ſi iſt ſo gv̊t·
ich wil mit gůte·
ir lonē ob ich kan·
als ich doch g̾ne kvnde·
vil m̾e vꝛoͤidē ich ir gan·
danne ich mir ſelben gvnne·