Do ich von der gv̊ten schiet·
vnd ich zir niht ensprach·
als mir dú minne widerriet·
des lîde ich vngemach·
dc lies ich dvr die valschen diet·
von der mir nie lieb beschach·
ich wúnsche ir anders niet·
wan der die helle brach·
der fuͤge ir we vnd ach·
Si wenent huͤten min·
die sin doch niht bestat·
vnd tůn ir niden schin·
dc wenic sie veruat·
si moͤhten ê den rin·
gekeren in den pfat·
ê ich mich iemer sin·
vertroͤste swies ergat der mir gedienet hat·