Do ich von der gv̊ten ſchiet·
vn̄ ich zir niht enſpꝛach·
als mir dú mīne wid̾riet·
des lîde ich vngemach·
dc lies ich dvr die valſchen diet·
vō der mir nie lieb beſchach·
ich wúnſche ir anders niet·
wan der die helle bꝛach·
der fuͤge ir we vn̄ ach·
Si wenent huͤten min·
die ſin doch niht beſtat·
vn̄ tůn ir niden ſchin·
dc wenic ſie v̾uat·
ſi moͤhten ê den rin·
gekerē in den pfat·
ê ich mich iemer ſin·
v̾troͤſte ſwies ergat der mir gedienet hat·