Da gehoͤret manic stvnde zv̊·
ê dc sich gesamne ir zweier mv̊t·
da dc ende vnsanfte tů·
ich wene wol dc si niht gůt·
lange si es mir vnbekant·
vnd werde ich iemen lieb der si siner trúwe an mir gemant·
Der ich diene vnd iemer dienen wil·
dú sol mine rede vil wol verstan·
spreche ich mere des wurde alzevil·
ich wil es alles an ir guͤte lan·
ir genaden der bedarf ich wol·
vnd wil si ich bin fro vnd wil si so ist min herze leides vol·