Da gehoͤꝛet manic ſtvnde zv̊·
ê dc ſich geſamne ir zweier mv̊t·
da dc ende vnſanfte tů·
ich wene wol dc ſi niht gůt·
lange ſi es mir vnbekant·
vn̄ w̾de ich iemē lieb der ſi ſiner trúwe an mir gemāt·
Der ich diene vn̄ iemer dienē wil·
dú ſol mine rede vil wol v̾ſtan·
ſpꝛeche ich mere deſ wurde alzevil·
ich wil es alles an ir guͤte lan·
ir genadē der bedarf ich wol·
vn̄ wil ſi ich bin fro vn̄ wil ſi ſo iſt min h̾ze leideſ vol·