An lúten hat dú gotes kraft·
fúr ellú ding verwundert·
beschowe ich menschen tvsent hvndert·
ane valschen list·
bi den allen wisse crist·
sint zwene gelich ein ander niht·
ir libes bilde ist an geschaft·
in mange wis gesvndert·
ǒch wirt ir herzen sin gemvndert·
dar vf alle frist·
dc er vnderscheiden ist·
da von dis wunder hie geschiht·
dc ein man gevallen·
allen· lúten mag niht wol·
ia mv̊s er gelúkes vol·
nach ganzem wunsche lúhten·
des tvgende vollekomen dúhten·
swa man eren zol·
werdeklich enpfahen sol·
wer lebt dem man niht wandels giht·