Aſpis ein wurn geheiſſen iſt·
der zv̊ der erden ſtreket·
ein oꝛe vn̄ in das ander ſteket·
ſines zagels oꝛt·
dvrh das er kein wiſpel woꝛt·
v̾neme ſo man in vahen wil·
owe dc nv der ſelbe liſt·
niht mangē h̾ren deket·
d̾ boͤſer rede ſin oꝛe empleket·
hie beide vn̄ doꝛt·
da vō er dē ſchaden bekoꝛt·
dc er v̾lúret erē vil·
ſchalc in ſinem mvnde·
wunde b̾nde ſpꝛúche treit·
da mit er in ſchande leit·
nv ritter vnde knehte·
die durh ſin laſterlich gebꝛehte·
w̾dent vil gemeit·
ſwc ein zúhtic man geſeit·
dc hant ſi fúr ein gǒggel ſpil·