Almehtic schepfer den ich ob den kúnigen allen prise·
dú bist ein brvner ivngeling vnd ein alt herre grise·
der sich zeiner spise· git vns vil armen tegelich·
fleisch vnd blv̊t din vatterliches wort vmb vns ist worden·
dú beide niêssen wir durh waren cristenlichen orden·
sit die Jvden morden· begonden an dem krůze dich·
din lichame der wirt enpfangen svnder pin vnd ane schranz·
so dc er belibet ganz· vnd ane ser da entzwischen·
Mit siner wandelvnge wir die sieche sele erfrischen·
wir slahten osterliches lamp dich vf dien vronen tischen·
da zebrote mischen· din heilig lib beginnet sich·