Almehtic ſchepfer den ich ob den kúnigē allen ṕſe·
dú biſt ein bꝛvner ivngeling vn̄ ein alt h̾re griſe·
der ſich zeiner ſpiſe· git vns vil armen tegelich·
fleiſch vn̄ blv̊t din vatterlicheſ woꝛt vmb vns iſt woꝛden·
dú beide niêſſen wir durh waren criſtenlichē oꝛden·
ſit die Jvden moꝛdē· begondē an dem krůze dich·
din lichame der wirt enpfangē ſvnder pin vn̄ ane ſchꝛanz·
ſo dc er belibet ganz· vn̄ ane ſer da entzwiſchē·
Mit ſiner wandelvnge wir die ſieche ſele erfriſchen·
wir ſlahtē oſterliches lamp dich vf dien vꝛonen tiſchen·
da zebꝛote miſchē· din heilig lib beginnet ſich·