Dum um Tu per populos iter latinos
Carpis, optime Pontifex, beatos
Ut tui facias benignitate
Vultus atque animi, crucisque signo,
Et piis opibus leves misellos;
Quis non omina fausta promat imo
Tibi pectore, gestietque tantum
Semper incolumem videre Patrem?
Tuam nempe viam levis secundet
Aspirans zephyrus, nec atra nubes
Minetur pluviam, sed usque Phoebus
Fulgeat radio micans tepenti.
Non coenum occupet aut molesta pulvis,
Verum candidulis Tibi ligustris
Floreant, violis rosisque calles.
Gentes innumerae undique affluentes
Te plausu unanimi Patrem salutent;
Diuque incolumem precentur omnes:
Saepe ut, optime Pontifex, beatum
Tu reddas Latium benignitate
Vultus atque animi, crucisque signo,
Et Patris pietas levet misellos.