Virginis venerandae
De numero sapientum
Festa celebremus socii.
Filiae Matris summi Regis
Sacrosanctae Mariae,
Quam sibi in sororem Dei
Adoptavit Filius.
Haec corpus suum domuit
Freno jejunii,
Et luxuriam secuit
Ense agoniae.
Isthaec contra cunctos mortis
131.1024B| Dimicavit impetus,
Et hostem cruentum freta Christi
Dextra straverat
Haec Sponsum ab aula coeli
Sese invisentem alacris
Corde jocundo secuta, ejus
Est ingressa thalamum.
Tute jam dulcibus plena deliciis
Christo miseras nostras suggerito,
Nobis consolationem precando.