Magnum te Michaelem
Habentem pignus,
Civium nostrorum, si tamen
Servi studeamus esse Dei
Poscimus ut tuis precibus
Consortes mereamur fieri
131.1018B| Eorum beatitudinis ineffabilis
Quam in Dei conspectu eos
Habere confidimus,
Qui est beatitudo vera
Sanctorum perpetua.
Quod quia scimus non posse fieri,
Nisi bonis studeatur meritis,
Poscimus ut Deum sanctos mores nos
Instruere semper postules
Ut intrare valeamus aulam
Quae non recipit ullam maculam
Tu, qui Dei charitatem retines,
Immortalis perdurasti, Michael,
Post mortem requiem nobis deprecare.