Stirpe Maria regia
Procreata regem generans Jesum
Laude dignum angelorum sanctorum,
Et nos peccatores tibi devotos
Intuere benigna.
Tu pios Patrum mores ostentas
In te, sed excellis eosdem.
Patris tui Salomonis
In te lucet sophia,
Et Ezechiae apud Deum cor rectum,
Sed nunquam in te corrumpendum.
131.1016D| Patris Josiae adimplevit
Te religiositas,
Summi etiam patriarchae te fides
Totam possedit patris tui.
Sed quid nos istos recensemus heroas;
Cum tuus natus omnes praecellat illos
Atque cunctos per orbem?
Nos hac die tibi gregatos serva,
Virgo, in lucem mundi qua
Prodisti paritura coelorum lumen.