Utcumque dulcis limina patriae
solo exsulantes corpore liquimus,
485 miramur ignotis in oris
nota diu bene corda, fratres.
Qui cum sciamus bella parentibus
pugnata, «Signum dicite» dicimus
utrique: «Pax» et «Lux» utrimque
490 corda sonant et «Havete, fratres».
Tellure, sacris, aequore, legibus
divisa pubes absumus, adsumus,
non ora nec linguam genusve
consimiles, nisi corda fratres.