EX oculis mea Hyella tuis modo gaudia mille;
At modo tristitiae semina mille traho.
Cor micat, & trepidis exsultant pectora fibris:
Spem vultu quotios candidiore facis.
5Mens cadit, atque exspes iaceo in maerore, metuque
Spem vultu quoties turbidiore negas.
Quid iam non in me tibi Di voluere licere,
Montibus his animum sic mihi quando rapis?
Ah, ducis exemplo Haemonii, Lux, mollior adsis!
10Cumque tot intuleris vulnera, confer opem.