Qui canit hec, elementa suum signantia nomen
In totidem studuit compariare libris.
Quattuor ex illis metrico modulamine pergunt;
Tres alii gaudent liberiore prosa.
5Comica descripti metrice satyrasque simulque
Cum sancti uita Gallica gesta docent.
Qui tenuere prosam, quedam moralia tradunt
Et dictatoris uersificique modum.
Scribere que possent olim prodesse futuris
10 Parisius docuit uatis alumpna sui.
Hic tibi premonstro quod quasdam in corpore libri
Personas positas, quas cetera scire uolenti
Scire necesse fuit, quadam restabat haberi
Arboris in serie, studioque icirco sategi.
15Si super adieci quas non in corpore libri
Inuenies, sed eo quod notio plena geratur
Et bene descriptis concordent tempora rebus,
Si placet et merui, gratum scribentis habeto
Munus, et artificem studii laudare memento.