Organum mentis tibi, quaeso, nostrae,
Temperans plectro moderare linguae,
Cujus ad laudem cupide movemur,
Spiritus alme.
Tu Dei Patris Genitique pura
Charitas, qua se pariter benigne
Confovent, et quae bona audit auctor,
[0351D]Esse creata.
Tu fidem spiras, sacra jura dictas.
Gratiae largus, venia reperta,
Victor errorum, probae veritatis
[0352A]Testificator.
Cum venis, culpam lacrymae sequaces
Diluunt; vitae recalescit ignis,
Atque compuncti cremat ara cordis
Thus pietatis.
Gloriam trinae monadi canamus,
Cum Deo divae Genitore Proli;
Flamini, nec non ab utroque fuso
Corde fideli.