Nuntium vobis fero de supernis,
Natus est Christus, dominator orbis,
In Bethleem Judae, sic enim propheta
Dixerat ante.
Hunc canit laetus chorus angelorum,
Stella declarat, veniunt Eoi
[0350D]Principes, dignum celebrare cultum.
Mystica dona,
Thus Deo, myrrham tribuunt sepulchro,
Auream regi speciem decenti;
Dum colunt unum, meminere trino
Tres dare terna.
Gloriam trinae monadi canamus,
Cum Deo divae Genitore Proli,
Flamini nec non ab utroque fuso
Corde fideli.