Dimetri.
Ex Ecclesiastico, Psalmis & Apocalypsi.
[notatio musica]
O Mors, quàm amara est memoria
Tui, viro sano, cui
Tranquilla rerum est copia,
735 Libetque adhuc epularier.
O saeva mors, ò dira sors
Homini scelesto & impio,
Cui soluto à copore
Mors imminebit pessima.
740 Mors quanquam acerba corporis,
Tamen ipsa momentanea est.
[fol. d8r]
At spiritus mors perpes est
Adeoque multo acerbior.
Mors prior amicum separat
745 Ab amiculis mortalibus,
Secunda mors hominem à Deo
Vivente in aevum disgregat.
Quia quamdiu Deus Deus,
Tam diu erit impius impius;
750 Tantisper hic in tartaro,
Quantisper ille in gloria.