Epitaphia (Rabanus Maurus) — I. Epitaphium Hiltibrati Episcopi.

112.1669A|
Pontificis clari hic requiescunt membra sepulti,
Hildibrath dicti, nempe Dei famuli:
Francia quem genuit mater, quem Fulda nutrivit,
Delectu et Patrem hunc sibi constituit.
112.1669B| Nam praesul post hic humili moderamine factus,
Jugiter extersit crimina cum lacrymis.
Cujus nunc animam fac, tu Dee Christe, beatam,
Hoc dic, o lector, dic, petit ipse Pater.