Cesserat assidua victus prece plectiger Orpheus,
Orpheus hic presens, evo, non arte secundus,
Ausus opes sprevisse inopes, ignobile pondus,
Iamque animo carpebat iter, sed vasa legenti
Occurrit violentus Amor, dextramque superbam
Inicit invalido. Mirum! Meretricula tanto
Imperat ingenio: cessit reverentia, cessit
Alma fides, cessere preces. Sic vincimur omnes
Unius illecebris et Musica servit Amori,
Cui mare, cui tellus, cui servit Iupiter ipse.