Herbam quae Graeci strignum dixere, Latini
maurellam dicunt; vis ejus frigida valde est.
Dicitur auriculae mire sedare dolorem 1920
illius succus, si sensim funditur intus;
Aegilopis strigni dicunt cataplasma mederi,
istud idem dicunt capitis prodesse dolori;
una cum strigno, si sal panisque terantur,
parotidas reprimit cataplasmatis addita more;1925
strigni prurigo depellitur illita succo;
succus suppositus fluxum stringit muliebrem.
Contritis ejus foliis conjunge polentam,
his superappositis sacer ignis et herpeta mordax
dicitur expelli; si vero junxeris istis 1930
argenti spumam, cerussam, oleumque rosatum,
fortius et melius praedictum fit medicamen.