135.0499|
135.0499A| Suspendentis aquas natum quem gratia fecit,
Bartholomaee sacer, verae tu vitis haberis
Fructificus palmes, huic indiscissus adhaerens
Fecundosque ferens apto pro tempore botros,
Unde merum fidei longe lateque propinans,
Hoc sobriis large tribuis; quod et India sumpsit,
135.0500A| In qua glorificum pro Christi nomine cursum
Consummans gladio, coeli secreta petisti.
Insula, quam Liparim dictam Siculi maris undae
Dant, tua suscepit terra Gangetide membra,
Insignes valida referentia morte triumphos,
Quae Beneventanam tutantur tegmine plebem.