Qui miserum totiens expertus iam sit amorem,
cur iterum laqueos incidit ille novos?
In foveam quotiens lapso pede fluxit asellus,
haud iterum tales nititur ire vias.
5Ast ego quid sit amor, quid dura incendia novi,
et quot mortifero sint in amore doli.
Et tamen infelix iterum compellor eodem,
cogor et antiquo subdere colla iugo.
Tantum sola potes in me, que sidere quo vis,
10Cinthia, me ducis, Cinthia, meque trahis.
Stare tua haud contra possum vel tela, vel artes,
et si me ludis, ludier usque iuvat.