«At tibi pro scelere» exclamat, «pro talibus ausis
omne aevum ferro teritur, | primusque per artem
heu miserande puer, | terram insectabere rastris
255et sonitu terrebis aves: | horrebit in arvis
carduus et spinis surget paliurus acutis
lappaeque tribulique | et fallax herba veneni.
at si triticeam in messem robustaque farra
exercebis humum, | frustra spectabis acervum
260Concussaque famem in silvis solabere quercu.
insuper his | subeunt morbi tristisque senectus
et labor et durae rapit inclementia mortis.