Vberibus, Manegaude, tuis lactatus abunde,
Tempore posterior, pene legendo prior,
Aque tuis sinibus abstractus uenit ad Andos
Ardua Gerardus planaque dicta gerens.
5Laude sua laudes Lausduni multiplicauit,
Artes exponens commoditate leui.
Hunc quoque Lausdunis inuidit Burguliensis
Et quibus inuidit blandiloquus rapuit.
Iam nunc Gerardus pauset cum Burguliensi,
10 Donec mandetur alteruter tumulo.
O utinam neque mors neque casus separet ipsos!
Donec nigrescat primitus albus olor
Et donec pennis coruus niger euolet albis,
Lausdunum refluus donec eat Ligeris
15Et donec querulae sileant ualeantque cicadae,
Et noceat senium siue dolor neutrum!