Tantum Gerardus Lausduni laudibus auxit -
Quod dignum magnis laudibus Andus habet -,
Quantum doctrinis Ciceroque Maroque latinis:
Nam nobis alter fulsit Aristoteles.
5Lux et laus cleri, sol qui suffecerit orbi,
Orbi quadruuium protulit et triuium.
At fortunatus fuit abbas Burgulianus,
Qui sibi Gerardum uendicat in proprium.
Lausdunis obiit, sed uiuit Burgulianis;
10 Vtque diu uiuat, iam redimunt precibus.
Hunc igitur terrae speciali mandet honore,
Quisquis defuncto corpore diues erit.