Lector, quid fuerim, quid sim, si forte requiris,
Nata puella fui; sum modo facta cinis.
Coniugio faui tantummodo prolis amore.
Occubui decimum dum parerem puerum.
5Nec puer antiquo nascendi nascitur usu:
Caesa matre quidem filius extrahitur.
Causaque nubendi michi causa fuit moriendi.
Consulis uxor ego, nomen Osanna michi.
Sed quid honor, quid opes, quid prolis copia prodest?
10 Christe, michi prosis; tu michi mansio sis.