Omnipotens Dominus, qui celsa vel ima gubernas,
Majestate potens, semper, ubique Deus.
Respice de solio, sanctorum gloria, summo,
(0851C)Auxiliumque tuis, Rex bone, da famulis.
Principibus pacem, subjectis adde salutem.
Hostis pelle minas, et fera bella preme
Haec quoque quae statui fulgentia culmina templi
Angilbertus ego, sint tibi grata Deo.
Augusto et Carolo, cujus virtute peregi,
Concede imperii gaudia magna tui.
Quisquis et hic summas precibus pulsaverit aures,
Effectum tribuas semper habere Deus.