Ibat, et ingenti sese clamore serebat.
Non pudet obsidione iterum, valloque teneri
Bis capti Phryges , et morti praetendere muros?
O vere Phrygiae (neque enim Phryges ) ite per altae
Dindyma : ubi assuetis biforem dat tibia cantum.
Quid contra Sanguis Aeneae ?
Talia iactantem dictis ac dira canentem
Non tulit Ascanius : ner voque obversus equino
Contendit telum, diversaque brachia ducens
Constitit ante Iovem , supplex per vota precatus.
Intonuit laevum: sonat una letifer arcus.
Et fugit horrendum stridens elapsa sagitta;
Perque caput Remuli venit, et cava tempora ferro
Traicit. I, verbis virtutem illude superbis.
magnanima ingenia supplicare nesciunt.