Tormenter le vivans & diffamer le mort
Abhorrer DIEU de ceur & le servir de bouche
Aimer la chastete & polluer la couche
Du mari de sa femme aus ruses mal accort
Annoncer la justice & maintenir le tort,
Estre dous d'apparence & dans l'ame farouche
Estimer le scavoir avancer une souche,
Feindre le repenti & vivre sans remort
Me fait croire & penser que l'estat de ce monde
Fors à l'exterieur autre part ne se fonde
Preferant l'apparence ou point de verité,
Voila en quelle erreur le fol humain se plonge
Qui dormant en enfer sa damantion songe
Trouvant a son resveil misere & vanité.