H.S.E.
Georgius Stepneius, Armiger,
Vir
Ob Ingenii acumen,
Literarum Scientiam,
Morum Suavitatem,
Rerum Usum,
Virorum Amplissimorum Consuetudinem
Linguæ, Styli, ac Vitæ Elegantiam,
Præclara Officia cum Britanniæ tum Europæ
præstita,
Sua ætate multum celebratus,
Apud posteros semper celebrandus;
Plurimas Legationes obiit
Ea Fide, Diligentia, ac Felicitate,
Ut Augustissimorum Principum
Gulielmi & Annæ
Spem in illo repositam
Nunquam fesellerit,
Haud raro superaverit.
Post longum honorum Cursum
Brevi Temporis Spatio confectum,
Cum Naturæ parum, Famæ fatis vixerat,
Animam ad altiora aspirantem placide efflavit.
G. S.
Ex Equestri Familia Stepneiorum,
De Pendegrast, in Comitatu
Pembrochienfi oriundus,
Westmonasterii natus est, A. D. 1663.
Electus in Collegium
Sancti Petri Westmonast. A. 1676.
Sancti Trinitatis Cantab. 1682.
Consiliariorum quibus Commercii
Cura commissa est 1697.
Chelseiæ mortuus, &, comitante
Magna Procerum
Frequentia, huc elatus, 1707.