Betƿux þam þe se bisceop on þære byrig ƿunode · 0548
þa cydde man geond þa burh þæt þær cūan ƿolde tó ·
onsigendan here · ⁊ hergian þa burh ·
Þa ƿearð eall seo burh-ƿaru ƿundor-lice afyrht 0551
for þæs heres ogan · þa het martin᷒ sona
him læden to ænne ƿodne man · ⁊ he ƿearð hī to ge-læd ·
Se halga ƿer ða het þone ƿodan secgan 0554
gif hit soð ƿære be ðam onsigendan here ·
Þa andette se deofol þurh þæs ge-drehtan muð 0556
þæt six-tyne deofle [sic @ Skeat] ƿæron þe ƿorhton þisne hlisan ·
⁊ to-seoƿon geond þæt folc · þæt hi afligdon martinum
þurh ðone ogan sƿa of þære byrig ·
⁊ hit eall ƿære leas be þam onsigendan here
þa se fula gast þis sæde þa ƿæron hí orsorge ·