Ða ƿæs sum heah-þegen gehaten tetradius · 0506
⁊ his þeoƿa manna an ƿæs þearle aƿed ·
þa bed he þone halgan þæt he his hand him onsette ·
Martin᷒ þa hét þa þone man hī to lædan · 0509
ac nan man ne dorste to þā deofol-seocan gán
forþan-ðe he ƿundorlice ƿedde · mid þā muþe ·
⁊ elcne ƿolde teran þe him in to-eode ·
Tetradius þa sylf cō · ⁊ gesohte þone halgan 0513
biddende eadmod-lice þæt he to þam earman eode ·
Þa cƿ̅ se halga ƿer þæt he to his huse gan nolde 0515
hæþenes mannes ⁊ manfulles lifes ·
Se hæðena þegen þa behet þā halgan ƿere 0517
v he ƿolde cristen beon · gif se cnapa ƿurde hal ·
⁊ martinus sona siðode to þam ƿodan ·
⁊ his hand him on asette · ⁊ gescynde þone deofol
fram þam geƿitleasū men · ⁊ he ƿearð sona hál ·
Tetradius ða sona þa he þæt ge-seah · 0522
gelyfde on urne drihten · ⁊ let hine cristnian ·
⁊ æft̅ lytlum fyrste he ƿearð gefullod ·
⁊ martinū ƿurðode mid ƿu[n]dorlicre lufe ·
forþan-ðe he ƿæs ealdor ƿitod-lice his hæle ·